“ТЭРБУМ МОД” ҮНДЭСНИЙ ХӨДӨЛГӨӨНИЙ ХҮРЭЭНД ӨМНӨД ЖОЛЛА МУЖТАЙ ХАМТРАН АЖИЛЛАХААР БОЛОВ
Элчин сайд С.Сүхболд 2025 оны 03 дугаар сарын 20-ны өдөр Өмнөд Жолла мужийн Засаг дарга Ким Ён Руг-тай уулзав.
Уулзалтын үеэр Элчин сайд С.Сүхболд “Монгол Улс БНСУ-ын хооронд дипломат харилцаа тогтоосон 35 жилийн хугацаанд бүхий салбар хөгжиж байгаа тэмдэглээд хөдөө аж ахуй, газар тариалан, ойн аж ахуй салбар өндөр хөгжсөн Өмнөд Жолла мужтай Монгол Улсын Ерөнхийлөгч У.Хүрэлсүхийн санаачилгаар хэрэгжиж буй “Тэрбум мод” Үндэсний хөдөлгөөний хүрээнд хамтран ажиллах хүсэлтээ илэрхийлэв.
Засаг дарга Ким Ён Руг “Өмнөд Жолла муж нь газар тариалан, далайн гаралтай хүнс, химийн болон ган төмөрлөг бүтээгдэхүүн, усан онгоцны үйлдвэрлэлтээр Солонгос улсад тэргүүлдэг, хамтран ажиллахад бэлэн байна” гэв.
Талууд Монгол Улсын Ерөнхийлөгчийн санаачилгаар хэрэгжиж буй “Нэг тэрбум мод” үндэсний хөдөлгөөн болон улирлын чанартай ажиллах хүчин солилцох зэрэг хамтын ажиллагааг ойрын хугацаанд эхлүүлэхээр тохиров.
Мөн Улаанбаатар хот, Өмнөд Жолла муж хооронд ах, дүүгийн харилцаа тогтоох, Улаанбаатар хотноо энэ оны 9 дүгээр сард “Солонгоcын соёлын өдрүүд” үйл ажиллагааг НЗДТГ-тай хамтран зохион байгуулах бэлтгэлээ үргэлжүүлэн хангахаар болов.