ОЛОН УЛСЫН БОЛОВСРОЛЫН ХҮРЭЭЛЭНД ЗОЧЛОВ.
Элчин сайд С.Сүхболд 2025 оны 2 дугаар сарын 19-ний өдөр “Олон улсын боловсролын хүрээлэн”-гийн захирал Хан Сан Шин-тэй уулзаж, БНСУ-ын Засгийн газрын тэтгэлэгт хөтөлбөрт Монголын анагаах ухааны мэргэжлийн оюутнууд хамруулахыг хүсэв.
Уулзалтаар Элчин сайд С.Сүхболд Монгол Улс БНСУ-ын хооронд дипломат харилцаа тогтоосны 35 жилийн ой энэ онд тохиож, “Стратегийн түншлэл”-ийн түвшинд амжилттай хөгжихөд боловсролын салбарын хамтын ажиллагаа чухал үүрэг гүйцэтгэснийг онцлоод БНСУ-ын Засгийн газрын тэтгэлэгт хөтөлбөрт хамруулах квотыг жил бүр нэмэгдүүлж, энэ онд 60 орчим монгол оюутныг хамруулах болсонд талархал илэрхийлэв.
Хан Сан Шин БНСУ-ын Засгийн газрын тэтгэлэгт хөтөлбөрийн монгол төгсөгчид эх орондоо буцан очиж, улс орныхоо нийгэм, эдийн засгийн хөгжилд бодит хувь нэмэр оруулж буйд сэтгэл хангалуун байдгаа илэрхийлээд хүрээлэнгийн зүгээс цаашид шинжлэх ухаан, инженер, технологийн салбарын оюутнуудыг түлхүү хамруулах бодлогыг баримталж буй гэв.
Талууд цаашид АШУҮИС-ийн оюутнуудыг БНСУ-ын Засгийн газрын тэтгэлэгт оюутан солилцооны хамтарсан хөтөлбөр хэрэгжүүлэх талаар санал солилцов.