“СОЛОНГОС ЭМНЭЛГИЙН МОНГОЛ КООРДИНАТОР, ОРЧУУЛАГЧИЙН НИЙГЭМЛЭГ”-ИЙН ТӨЛӨӨЛЛИЙГ ХҮЛЭЭН АВЧ УУЛЗАВ.
Элчин сайд С.Сүхболд 2025 оны 02 дугаар сарын 08-ны өдөр “Солонгос эмнэлгийн Монгол координатор, орчуулагчийн нийгэмлэг"-ийн төлөөллийг хүлээн авч уулзав.
Уулзалтын үеэр Элчин сайд С.Сүхболд сүүлийн жилүүдэд Монгол Улсаас БНСУ-ыг зорин ирж, эрүүл мэндийн үйлчилгээ авч буй Монгол иргэдийн тоо жил бүр өсөн нэмэгдэж буйтай холбогдуулан ЭСЯ-ны зүгээс эрүүл мэндийн салбарт хэрэгжүүлж буй ажил, цаашдын төлөвлөгөөг товч мэдээлж, тус нийгэмлэгийн гишүүдийн сонирхсон асуултад хариулав.
“Солонгос эмнэлгийн Монгол координатор, орчуулагчийн нийгэмлэг”-ийн гишүүдээс хийж буй үйл ажиллагаагаа танилцуулж, цаашид эрүүл мэндийн боловсрол олгох сургалтыг тогтмол зохион байгуулах, монгол иргэдийг эрүүл мэндийн урьдчилан сэргийлэх үзлэг, шинжилгээнд хамруулах, эрүүл мэндийн чанартай, түргэн шуурхай үйлчилгээний боломжийг нэмэгдүүлэхэд хамтран ажиллахаар санал нэгдэв.
Жич: Тус нийгэмлэг нь БНСУ-ын эрүүл мэндийн салбарт ажиллаж буй эмнэлгийн координатор болон орчуулагчдын санаачилгаар 2024 оны 07 дугаар сард байгуулагджээ.