ҮНДЭСНИЙ АССАМБЛЕЙН ГИШҮҮНТЭЙ УУЛЗАВ.
Элчин сайд С.Сүхболд 2025 оны 02 дугаар сарын 21-ний өдөр Үндэсний Ассамблейн Боловсролын байнгын хорооны гишүүн Гу Мин Жон-той уулзаж, Сөүл дэх Монгол сургуулийн үйл ажиллагааг өргөжүүлэх, салбар сургууль байгуулахад дэмжлэг үзүүлэх талаар санал солилцов.
Үндэсний Ассамблейн гишүүн Гу Мин Жон үндэс, угсаа үл хамааран бүх хүүхэд сурч боловсрох эрхтэй, тэр эрхийг хангах нь төрийн үндсэн үүрэг гээд Сөүл хотын Боловсролын газар, харьяа дүүргээр дамжуулан Монгол сургуулийн үйл ажиллагааг дэмжих боломжийг судлахаа илэрхийлэв.
Яригдсан зүйлийг хариуцсан ажилтнаа томилон үргэлжлүүлэн ажиллахаар болов.