ХОВОР МЕТАЛЛЫН САЛБАРТ ХАМТРАН АЖИЛЛАХ ТАЛААР САНАЛ СОЛИЛЦЛОО
Элчин сайд С.Сүхболд 2025 оны 2 дугаар сарын 12-ны өдөр БНСУ-ын Худалдаа, аж үйлдвэр, эрчим хүчний яамны Худалдаа, хамтын ажиллагааны газрын дарга Ким Жун Чой-той уулзав.
Уулзалтаар Элчин сайд С.Сүхболд Монгол, Солонгосын ховор металын хамтарсан хорооны 2 дугаар хуралдааныг ирэх 3 дугаар сард, Монгол Улсын уул уурхай, ашигт малтмалын салбарт Солонгос улсын хөрөнгө оруулалтыг нэмэгдүүлэх зорилгоор “Critical Mineral Mining Week” тусгай арга хэмжээг 4-5 дугаар сард багтаан зохион байгуулах, Монгол Улсаас Солонгос улсад импортлох боломжит бараа бүтээгдэхүүнд тавигдах гаалийн тарифын болон тарифын бус хөнгөлөлтийн асуудлаар санал солилцов.
Солонгосын талаас Ховор металл нийлүүлэх сүлжээнд хамтран ажиллах тухай харилцан ойлголцлын санамж бичгийн хүрээнд “Хөгжлийн албаны ёсны буцалтгүй тусламжаар хэрэгжүүлж буй “Солонгос, Монголын ховор металлын хамтарсан судалгааны төв”-ийн үйл ажиллагааг энэ оны 6 дугаар сард албан ёсоор нээхээр төлөвлөж байгааг мэдэгдэв.