Гэрлэхийг хүсэгчид дараах бичиг баримтыг бүрдүүлж, Консулын хэлтэст 2 гэрчийн хамт биечлэн ирж бүртгүүлнэ.

1. Монгол улсын иргэд гэрлэлтийн бүртгэл хийлгэхэд дараах бичиг баримтыг бүрдүүлнэ.

Үүнд:

-Мэдүүлэг, өргөдөл бөглөх /хавсралт маягтыг бөглөх/

-Тус тусдаа гаргасан гар өргөдөл

-Гэрлэхийг хүсэгчдийн иргэний үнэмлэх, эсхүл гадаад паспорт, бичиг баримт

-Гэр бүлийн тухай хуулийн 8 дугаар зүйлд заасан гэрлэхийг хүсэгчдийн эрүүл мэндийн шинэжилгээ / ДОХ, сүрьеэ, сэтгэц/

-Гэрлэсний бүртгэлгүй лавлагаа /энэхүү лавлагааг И монголиа болон УБЕГ-ын системээс авах боломжтой/

-Тэмдэгтийн хураамж 10 ам.доллар буюу түүнтэй тэнцэх вон

2.Монгол улсын иргэн, гадаад иргэнтэй гэрлэлтийн бүртгэл хийлгэхэд дараах бичиг баримтыг бүрдүүлнэ.

Үүнд:

-Мэдүүлэг, өргөдөл бөглөх /хавсралт маягтыг бөглөх/

-Монгол улсын иргэний гар өргөдөл

-Монгол улсын иргэний иргэний үнэмлэх, эсхүл гадаад паспорт

-Монгол улсын иргэний эрүүл мэндийн шинжилгээ /ДОХ, сүрьеэ, сэтгэц/

-Монгол улсийн иргэний гэрлэсний бүртгэлгүй лавлагаа /энэхүү лавлагааг И- монголиа болон УБЕГ-ын системээс авах боломжтой/

-Гадаад улсын иргэний үндэсний хэл дээрхи гар өргөдөл

   외국인의 모국어로 작성된 자필 신청서

-Гадаад улсын иргэний үнэмлэх, эсхүл гадаад паспорт, бичиг баримт

   외국인의 신분증, 여권

-Гадаад улсын иргэний эрүүл мэндийн шинжилгээ / ДОХ, сүрьеэ, сэтгэц/

   외국인의 에이즈, 결핵, 정신병 등 3가지 신체검사

-Гадаад улсын иргэний оршин суугаа газрын ам бүлийн тодорхойлолт

   가족관계증명서

-Гадаад улсын иргэн өөрийн улсын бүртгэлийн байгууллагаас авсан гэрлэлтийн бүртгэлийн талаарх лавлагаа

   혼인관계증명서

-Гадаад улсын иргэний гэмт хэрэг зөрчилд холбогдолгүй талаарх харьяалах улсын холбогдох байгууллагын /цагдаагийн/ тодорхойлолт

   범죄사실확인서

-Тэмдэгтийн хураамж 10 ам.доллар буюу түүнтэй тэнцэх вон

   수수료 10달러

-Монгол улсын 18 нас хүрсэн 2 гэрчийг байлцуулах

   몽골 국민이며 18세 이상인 증인 2

Анхааруулах зүйл:

-Гадаад улсын иргэнтэй гэрлэлтээ бүртгүүлэхэд тухайн гадаад улсын гэрлэлтийн бүртгэлд бүртгүүлсэн байхыг шаардана.

-Гадаад хэл дээрхи бүх бичиг баримтыг монгол хэл рүү орчуулж, нотариатаар гэрчлүүлнэ.

-Гадаад улсын иргэнтэй гэрлэлтээ бүртгүүлэхэд Монгол улсын УБЕГ-аас гадаад иргэний бүртгэлийн дугаар авар тул 2 цагийн өмнө материалыг урдчилан бүрдүүлнэ.