“ЗАЛУУ СУДЛААЧ-2024”
Монгол Улсаас БНСУ-д суугаа Элчин сайдын яам, Төрийн Банк, Самсунг эрүүл мэндийн даатгал, БНСУ дахь Монгол оюутны нэгдсэн холбоо хамтран тус улсад суралцаж буй монгол оюутан залуусын дунд анх удаагаа “ЗАЛУУ СУДЛААЧ-2024” илтгэлийн уралдаан амжилттай зохион байгууллаа.
Тус уралдаанд өөрсдийгөө сорин үе тэнгийн олон залуустай эрдэм мэдлэгээ сорин 2 дахь шатанд шалгарсан шилдэг 10 оюутнууд 12-р сарын 14 ны өдөр цугларан шилдгүүдээ тодрууллаа.
Тус уралдааны үеэр Монгол Улсаас БНСУ-д суугаа Онц бөгөөд Бүрэн эрхт Элчин сайд С.Сүхболд хүрэлцэн ирж, оюутан залуусын илтгэлтэй танилцан санал солилцов.
Энэхүү уралдааны шүүгчээр Хангүг Гадаад судлалын сургуулийн багш А.Нарангэрэл, Д.Түвшинбат, Д.Өлзийбат, Shin MinSon, An HeeYoung нар ажиллав.
“ЗАЛУУ СУДЛААЧ-2024” уралдааны шилдгүүд
1-р байр Гачон их сургуулийн оюутан С. Аззаяа өргөмжлөл (1.500.000 вон)
2-р байр Сонгюнгуан их сургуулийн оюутан Б.Дашзэвгэ болон Сөүл Шириб их сургуулийн оюутан Т.Уртнасан, тус бүр өргөмжлөл (800.000 вон)
3-р байр Шириб их сургуулийн оюутан Э.Ренчинмядаг болон Солонгос дахь Монгол сургуулийн 12-р ангийн сурагч Т.Удвал тус бүр өргөмжлөл (500.000 вон)
тус тус шагнагдлаа.
Эх орны ирээдүй болсон оюутан залуусыг дэмжин хамтран ажилласан Төрийн банк, Самсунг эрүүл мэндийн даатгал, БНСУ дахь Монгол оюутны нэгдсэн холбоо болон эрдэмтэн багш нарт дахин талархал дэвшүүлье.
“ЗАЛУУ СУДЛААЧ-2025” уралдаанаар эргэн уулзацгаая.